Uncategorized

Gabríel Ingimarsson nýr framkvæmdastjóri LUF Gabríel Ingimarsson hefur verið ráðinn framkvæmdastjóri LUF – Landssambands Ungmennafélaga og hefur þegar hafið störf. Sem framkvæmdastjóri landssambandsins mun Gabríel sinna daglegum rekstri LUF ásamt almennri verkefnastjórnun og hagsmunagæslu aðildarfélaga. Gabríel starfaði áður sem rekstrarstjóri Hríseyjarbúðarinnar frá ágúst 2024 og þar á undan sem sérfræðingur í fjármáladeild Össurar í þrjú ár. Hann er með BS próf í viðskiptafræði frá Háskóla Íslands með áherslu á fjármál. Þá hefur Gabríel víðtæka reynslu úr starfi ungliðahreyfinga og á vettvangi LUF en hann starfaði í tvö ár sem forseti Uppreisnar. Gabríel kveðst einstaklega spenntur fyrir verkefnunum framundan [...]

Skörungur – íslensku ungmennaverðlaunin fóru fram í þriðja sinn föstudaginn 5. desember á alþjóðlegum degi sjálfboðaliðans. Um er að ræða þakkar- og hvatningarviðburð ungs fólks þar sem sjálfboðaliðastörf og framtök í þágu hagsmuna og réttinda ungs fólks eru heiðruð. Verðlaunin tóku við af viðburðnum Félagi ársins sem LUF stóð fyrir á árunum 2018-2022. Verðlaunin vekja athygli á degi sjálfboðaliðans og fyrir hvað hann stendur en hvetja fyrst og fremst ungt fólk í sjálfboðastarfi til dáða sem og varpa ljósi á vel unnin störf innan ungmennafélaga á Íslandi og framlag til réttindabaráttu ungs fólks. Fór verðlaunaafhending fram með hátíðlegum hætti í [...]

Annar leiðtogaráðsfundur starfsársins Annar leiðtogaráðsfundur Landssambands ungmennafélaga (LUF) á starfsárinu 2025-2026 fór fram 15. nóvember í Háskólanum í Reykjavík. Ragnheiður Geirsdóttir, málefnafulltrúi LUF kynnti fyrri hluta samfélagsmiðlaherferðar sem hleypt var af stað eftir fyrri leiðtogaráðsfund ársins. Staða framkvæmdaáætlunar LUF fyrir starfsárið var sömuleiðis kynnt af Sylvíu Martinsdóttur, forseta LUF og Geir Zoega, gjaldkera. Lagabreytingartillögur sem stjórn LUF áformar að leggja fram á næsta sambandsþingi voru kynntar stuttlega af Starra Reynissyni, varaforseta LUF og jafnramt oddvita leiðtogaráðs. Í kjölfar kynningarinnar mynduðust líflegar og ríkar umræður sem verða nýttar til áframhaldandi mótun og þróunar sambandsins. [...]

Evrópuráðið óskar eftir umsóknum fyrir ungmennafulltrúa á Sveitarstjórnarþing Evrópuráðsins. Auglýst er eftir umsóknum frá fólki á aldrinum 18-30 ára sem eru tilbúin að sækja og taka virkan þátt í tveimur þingfundum ráðsins: 31. mars – 2. apríl 2026 og 27.-29. október 2026. Umsóknir þurfa að berast fyrir 15. desember 2025. Umsóknarformið er að finna hér Nánari upplýsingar á ensku má finna hér Hvað er á Sveitastjórnarþing Evrópuráðsins? Þingið er samevrópskt stjórnmálaþing, meðlimir þess eru kjörnir fulltrúar yfir 150.000 svæðis- og sveitastjórna í 47 Evrópuríkjum. Hlutverk þess er að efla byggða- og svæðisbundið lýðræði, bæta stjórn sveitarfélaga efla sjálfsstjórn sveitarfélaga. [...]

Skörungur | LUF auglýsir eftir tilnefningum til íslensku ungmennaverðlaunanna 2025 Skörungur - íslensku ungmennaverðlaunin verða veitt á degi sjálfboðaliðans þann 5. desember, kl. 17:00 í Mannréttindahúsinu að Sigtúni 42. Um er að ræða þakkar- og hvatningarviðburð ungs fólks sem haldinn er í þriðja sinn og tók við af „Félaga ársins” sem LUF stóð fyrir í 5 ár. Facebook viðburð má finna hér. LUF auglýsir hér með eftir tilnefningum frá aðildarfélögunum til Skörungsins fyrir sjálfboðaliða ársins (áður „Félagi ársins“). Hvert aðildarfélag getur tilnefnt einn einstakling til verðlaunanna og hvetur LUF öll aðildarfélög sín til þess að senda [...]

Starfsauglýsing: Framkvæmdastjóri Starfið  Stjórn Landssambands ungmennafélaga auglýsir eftir framkvæmdastjóra í 70-100% starfshlutfall. LUF er þverpólitískur samráðsvettvangur og gætir hagsmuna ungs fólks. Umsækjendur þurfa því að geta verið hlutlausir og starfað í þágu félagsins og allra þeirra aðildarfélaga sem eru innan LUF. Æskilegt er að viðkomandi geti hafið störf í janúar 2026.  Framkvæmdastjóri ber ábyrgð á daglegum rekstri félagsins og framþróun vettvangsins. Á könnu framkvæmdastjóra er einnig almenn verkefnastjórnun, fjáröflun/fjármál félagsins og almenn hagsmunagæsla. Framkvæmdastjóri starfar fyrir stjórn Landssambands ungmennafélaga og þjónustar einnig aðildarfélögin. Framkvæmdastjóri ber ábyrgð á því að lögbundnum verkefnum félagsins sé sinnt og að vettvangurinn sé raunverulegt hagsmunaafl [...]

Þann 15. október fóru félagsmenn LUF í heimsókn í utanríkisráðuneytið til þess að fræðast um öryggis- og varnarmál. Þar tóku á móti okkur Andri Júlíusson og Steingrímur Sigurgeirsson af varnarmálaskrifstofu utanríkisráðuneytisins. Andri byrjaði á að fara yfir helstu verkefni varnarmálaskrifstofu og svo fór Steingrímur yfir inntak og áherslur stefnu í varnar- og öryggismálum. Eftir erindin svöruðu þeir hinum ýmsu spurningum sem brunnu á fundargestum. Í kjölfarið var farið í málefnastarf þar sem aðildarfélögin komu sínum sjónarmiðum á framfæri. Við þökkum utanríkisráðuneytinu, Andra og Steingrími fyrir hlýjar móttökur.

Landssamband ungmennafélaga (LUF), í samstarfi við Félag Sameinuðu þjóðanna á Íslandi, auglýsir eftir framboðum ungs fólks á aldrinum 18-25 ára til að gegna stöðu ungmennafulltrúa Íslands gagnvart Sameinuðu þjóðunum. Kjörið verður í stöður tveggja ungmennafulltrúa: á sviði sjálfbærrar þróunar, og barna og ungmenna. Fer kjörið fram á 2. leiðtogaráðsfundi LUF 2025, þann 15. nóvember, í Háskóla Íslands. Svið sjálfbærrar þróunar Ungmennafulltrúi Íslands hjá Sameinuðu þjóðunum á sviði sjálfbærrar þróunar (e. United Nations Youth Delegate of Iceland on Sustainable Development) kemur með til að sækja og taka þátt í störfum ráðherrafundar Sameinuðu þjóðanna (e. [...]

Landssamband ungmennafélaga (LUF) kallar eftir umsóknum um stöður þjálfara til þess að leiða námskeið í Leiðtogaskóla Íslands 2026. LUF vinnur nú að áframhaldandi uppbyggingu Þjálfarateymis LUF (e. Pool of Trainers – PoT) – sem er aðferð sem notuð er víða í Evrópu til þess að byggja upp getu ungmennafélaga í að miðla óformlegu námi. Þjálfaralið LUF samanstanda af þjálfurum sem hafa reynslu, getu og þekkingu til að miðla fræðslu og þjálfa færni ungs fólks í margvíslegu ungmennastarfi. LUF sækir innblástur aðferðarinnar til Evrópuráðsins og Evrópska ungmennavettvangsins þar sem um er að ræða afurð af „þjálfun þjálfara“ (e. Train the Trainers). Þjálfarateymi LUF er [...]

Alþjóðaráð kom saman 18. september. Snæfríður Blær Tindsdóttir, oddviti alþjóðaráðs og alþjóðafulltrúi LUF setti fundinn og fór í kjölfarið yfir umgjörð alþjóðastarfs LUF. Embla María Möller Atladóttir, lýðræðisfulltrúi LUF, fór svo yfir þátttöku ungs fólks og norrænt samstarf. En hún situr fyrir hönd LUF í NORD sem er samstarfsverkefni norrænu landssambandanna. Þar á eftir fór Þórdís Dröfn Andrésdóttir, fyrsti lýðræðislega kjörni fulltrúi Íslands í Nordbuk, yfir störf sín þar og hvaða tækifæri eru fyrir aðildarfélögin á þeim vettvangi. Svo var sjónum beint að Sameinuðu þjóðunum og hlýddu fundargestir á Völu Karen Viðarsdóttur framkvæmdastjóra FSÞ sem fór yfir UN Youth Delegation [...]