Laus staða verkefnastjóra

//Laus staða verkefnastjóra

LUF leitar að verkefnastjóra

Landssamband ungmennafélaga (LUF) auglýsir laust til umsóknar starf verkefnastjóra til að stýra helstu verkefnum félagsins yfir sumartímann. LUF er regnhlífasamtök frjálsra félagasamtaka ungs fólks á Íslandi og þeim tilheyra 31 aðildarfélög. LUF er þverpólitískur samstarfs- og samráðsvettvangur, málsvari ungs fólks gagnvart íslenskum stjórnvöldum og talar fyrir hagsmunum ungra Íslendinga á alþjóðavettvangi.

Hæfniskröfur:

  • Brennandi áhugi á málefnum ungs fólks.
  • Háskólamenntun sem nýtist í starfi.
  • Reynsla og þekking á hagsmunabaráttu ungs fólks.
  • Hæfni í mannlegum samskiptum.
  • Mjög gott vald á íslensku og ensku í ræðu og riti.
  • Leiðtogahæfni og frumkvæði.
  • Sjálfstæð og öguð vinnubrögð.

Starfssvið

Starfið felst í umsjón með helstu verkefnum LUF, einkum lýðræðisverkefni og leiðtogafræðslu. Verkefnastjóra er einnig ætlað að aðstoða framkvæmdastjóra við ýmis tilfallandi verkefni, svosem skýrslu- og greinaskrif, almenna hagsmunagæslu ungs fólks, upplýsingamiðlun, fjármögnun og annað tengdu rekstri félagsins. Starfinu gæti fylgt einhver ferðalög erlendis í tengslum við alþjóðastarf LUF.

Starfshlutfall er 100% í a.m.k. þrjá mánuði og vinnutími getur verið sveigjanlegur.

Umsóknarfrestur er til og með 5. júní

Náms- og starfsferilskrá ásamt kynningarbréfi skal berast með umsóknum með tölvupósti á youth@youth.is

Æskilegt er að umsækjandi geti hafið störf sem fyrst.

Nánari upplýsingar um starfið veitir Tinna Isebarn framkvæmdastjóri LUF í gegnum tinna.isebarn@youth.is

Öllum umsóknum verður svarað.

2019-05-23T16:44:03+00:00