Landssamband ungmennafélaga (LUF) auglýsir laust til umsóknar starf verkefnastjóra til að sjá um upplýsingamiðlun og stýra helstu verkefnum félagsins. LUF er regnhlífasamtök frjálsra félagasamtaka ungs fólks á Íslandi og þeim tilheyra 43 aðildarfélög. LUF er þverpólitískur samstarfs- og samráðsvettvangur, málsvari ungs fólks gagnvart íslenskum stjórnvöldum og talar fyrir hagsmunum ungra Íslendinga á alþjóðavettvangi.
Helstu verkefni og ábyrgð
- Umsjón með helstu verkefnum LUF, t.d. lýðræðisverkefnum, leiðtogafræðslu og alþjóðastarfi
- Utanumhald upplýsingamiðlunar félagsins, t.d. vefsíðu og samfélagsmiðlum
- Skipulagning viðburða á vegum félagsins
- Aðstoð við rannsóknir, fjármögnun, stefnumótun, málefnastarf, skýrslu- og greinaskrif
- Tilfallandi verkefni
Menntunar- og hæfniskröfur
- Brennandi áhugi á málefnum ungs fólks
- Reynsla og þekking á réttindabaráttu ungs fólks
- Háskólamenntun sem nýtist í starfi
- Afburðahæfni í mannlegum samskiptum
- Framúrskarandi vald á íslensku og ensku í ræðu og riti
- Leiðtogahæfni og frumkvæði
- Sjálfstæð og öguð vinnubrögð
- Haldbær reynsla á sviði miðlunar og/eða verkefna- og viðburðastjórnunar
Fríðindi í starfi
- Möguleg ferðalög erlendis
- Sveigjanlegur vinnutími
- Möguleiki á námi meðfram vinnu
- Gott svigrúm til starfsþróunar
- Fjölskylduvænt umhverfi