Landssamband ungmennafélaga (LUF) auglýsir laust til umsóknar starf verkefnastjóra til að sjá um upplýsingamiðlun og stýra helstu verkefnum félagsins. LUF er regnhlífasamtök frjálsra félagasamtaka ungs fólks á Íslandi og þeim tilheyra 36 aðildarfélög. LUF er þverpólitískur samstarfs- og samráðsvettvangur, málsvari ungs fólks gagnvart íslenskum stjórnvöldum og talar fyrir hagsmunum ungra Íslendinga á alþjóðavettvangi.

Hæfniskröfur: 

  • Brennandi áhugi á málefnum ungs fólks
  • Háskólamenntun sem nýtist í starfi
  • Reynsla og þekking á réttindabaráttu ungs fólks
  • Afburðahæfni í mannlegum samskiptum
  • Framúrskarandi vald á íslensku og ensku í ræðu og riti
  • Leiðtogahæfni og frumkvæði
  • Sjálfstæð og öguð vinnubrögð
  • Haldbær reynsla á sviðum miðlunar, verkefna- og viðburðastjórnunar verður metin sem kostur 

Starfssvið:

  • Yfirumsjón með helstu verkefnum LUF, t.d. lýðræðisverkefni og leiðtogafræðslu
  • Umsjón með allri upplýsingamiðlum félagsins, t.d. vefsíðu og samfélagsmiðlum
  • Skipulagning viðburða á vegum félagsins
  • Aðstoð við rannsóknir, fjármögnun, stefnumótun, málefnastarf, skýrslu- og greinaskrif
  • Tilfallandi verkefni

Starfinu gæti fylgt einhver ferðalög erlendis í tengslum við alþjóðastarf LUF.

Starfstímabilið er eitt ár í 50-100% starfshlutfalli. Vinnutími getur verið sveigjanlegur.

Umsóknarfrestur er til og með 9. desember 

Náms- og starfsferilskrá ásamt kynningarbréfi skal berast með umsóknum með tölvupósti á youth@youth.is. 

Æskilegt er að umsækjandi geti hafið störf sem fyrst.  Nánari upplýsingar um starfið veitir Tinna Isebarn framkvæmdastjóri LUF í gegnum tinna.isebarn@youth.is

Öllum umsóknum verður svarað að ráðningu lokinni.

2020-11-26T11:46:10+00:00