Á stjórnarfundi LUF, miðvikudaginn 11. janúar, afgreiddi stjórn umsókn Ungliðahreyfingar Íslandsdeildar Amnesty International um áheyrnaraðild að LUF. Stjórn samþykkti umsókn félagsins samhljóma. Eru aðildarfélög LUF því alls orðin 41 talsins.

Ungliðahreyfing Íslandsdeildar Amnesty International

Ungl­iða­hreyfing Íslands­deildar Amnesty Internati­onal er félags­skapur ungra mann­rétt­inda­sinna á aldr­inum 15-25 ára. Hlut­verk ungl­iða­hreyf­ing­ar­innar er að vekja athygli á mann­rétt­indum og mann­rétt­inda­brotum um heim allan í gegnum aðgerð­astarf.

Ungl­iða­hreyfing Íslands­deildar Amnesty Internati­onal var stofnuð í mars árið 2012. Hreyf­ingin hefur frá fyrstu dögum haft það að leið­ar­ljósi að vekja athygli á mann­rétt­inda­málum í víðu samhengi. Þá er Ungliðahreyfingin er einn helsti kjarni í aðgerðarstarfi Íslandsdeildar Amnesty International víða um land. Stjórnina skipa 7 ungir einstaklingar á aldrinum 16-25 ára og er kosið árlega í stjórn.

Markmið ungliðahreyfingarinnar eru:

  • Vekja athygli á mann­rétt­indum í gegnum marg­vís­lega viðburði
  • Standa vörð um mann­rétt­indi þeirra sem hafa veika rödd – hérlendis og erlendis
  • Skipu­leggja viðburði og aðgerðir sem styðja við starf Íslands­deild­ar­innar
  • Standa fyrir jafn­ingja­fræðslu út frá herferðum samtak­anna
  • Halda úti virku og áhuga­verðu aðgerð­a­starfi fyrir ungmenni
  • Taka þátt í alþjóð­a­starfi Amnesty Internati­onal með ungu fólki frá öðrum löndum
  • Læra af öðrum og þekk­ingu þeirra

Ungl­iða­hreyf­ingin er opin öllum áhuga­sömum ungmennum sem vilja taka þátt í að móta aðgerð­astarf, skipu­leggja viðburði og hjálpa til við að bera út boðskap mann­rétt­inda. Fundir ungl­iða­hreyf­ing­ar­innar eru 1-2 í mánuði og taka þau við öllum nýliðum fagn­andi.

Nánari upplýsingar um Ungliðahreyfinguna má nálgast hér: https://www.amnesty.is/starfid-okkar/unglidahreyfing/

Þar má einnig finna skráningarform í hreyfinguna, en það er opið öllum áhugasömum einstaklingum á aldrinum 15-25 ára.

Regnhlíf LUF stækkar

Stjórn LUF fagnar því að fleiri öflug og fjölbreytt félög ungs fólks hafi bæst undir regnhlíf félagsins. Félagið kemur til með að bæta enn frekar fjölbreytta flóru aðildarfélaga sem vinna að bættum lífsgæðum og skilyrðum ungs fólks.

LUF er regnhlífasamtök frjálsra félagasamtaka ungs fólks á Íslandi og þeim tilheyra 41 aðildarfélög. LUF er þverpólitískur samstarfs- og samráðsvettvangur, málsvari ungs fólks gagnvart íslenskum stjórnvöldum og talar fyrir hagsmunum ungra Íslendinga á alþjóðavettvangi.

Nánari upplýsingar um aðildarskilyrði og umsóknir um aðild má nálgast hér: https://luf.is/um-luf/adildarumsokn/