Ný Norræn styrkjaáætlun NUBF býður ungmennum í vinnustofu í Danmörku

Norræn ungmenni í sjálfbærum samfélögum, NUBF, er samstarfsverkefni milli landssambanda ungmennafélaga á Norðurlöndunum og Mennta- og banramálaráðuneyti Danmerkur. 

uppfært: Umsóknarfrestur til og með 1. ágúst.

Markmið NUBF er að efla tengslanet ungs fólks á Norðurlöndunum með styrkjum fyrir samstarfsverkefnum ungs fólks á svæðinu. Bæði ungmennafélög og óformlegir hópar ungs fólks geta sótt um styrk fyrir verkefni ef skipuleggjendur þess eru frá tveim Norðurlöndum eða fleirum. 

Auk þess mun NUBF styðja við starfið með árlegri þjálfun fyrir ungt fólk þar sem þátttakendur fá tækifæri til að kynnast nágrönnum sínum á Norðurlöndunum og geta fengið aðstoð við umsóknarferlið! 

Hægt er að sækja um þáttöku hér að neðan. Allut kostnaður við þátttöku er greiddur af NUBF.

Vinnustofan

Vinnustofan sem haldin verður í ár, 2020, fer fram á hinni svokölluðu „Ungmennaeyju“ sem er staðsett rétt fyrir utan Kaupmannahöfn. Fyrr á dögum hýsti eyjan varnarstöð Danmerkur en nú er hún einungis tileinkuð starfi fyrir ungt fólk!

Aðstandendur NUBF áætlunarinnar bjóða þér að taka þátt í vinnustofu fyrir ungt fólk á Ungmennaeyjunni þann 4.-6. september nk. Þar fá þátttakendur tækifæri til þess að skipuleggja áhugaverð verkefni með nágrönnum sínum á Norðurlöndunum. Á vinnustofunni fá þátttakendur þjálfun í gerð umsókna, skipulagningu verkefna og fá tækifæri til að kynnast öðru ungu fólki sem gæti haft áhuga á frekara samstarfi.

Vinnustofan er hugsuð fyrir ungmenni sem vilja efla Norrænt samstarf og skipuleggja verkefni fyrir ungt fólk á svæðinu. Vinnustofan er jafnt ætluð fyrir ungt fólk sem hefur mótaðar hugmyndir og leitar að samstarfsaðila og fyrir ungt fólk sem hefur ekki mótað hugmynd en hefur áhuga á samstarfi.

Fyrir hverja?

Ungt fólk á aldrinum 16-30 ára frá Norðurlöndunum. Hægt er að sækja um á eigin vegum, með félaga og fyrir hönd ungmennafélags. Einu kröfur fyrir þátttöku er áhugi á samstarfsverkefnum með ungu fólki á Norðurlöndunum.

Frekari upplýsingar á vefsíðu áætlunarinnar: www.nordicyouth.org
Ertu með spurningu? Sendu fyrirspurn á Heiðu Vigdísi, verkefnastjóra LUF, heida.vigdis@youth.is

Norræn ungmenni í sjálfbærum samfélagögum (NUBF) er samstarfsverekfni milli landssambanda ungmennafélaga á Norðurlöndunum og Mennta- og banramálaráðuneyti Danmerkur. NUBF er þáttur í formennsku Danmerkur í Norrænu ráðherranefndinni árið 2020 og verður starfandi til ársins 2022.

Deila færslu

Barne og